| 5/10 四個月冇打過任何野. 哈, 唔係冇野想打, 只係過去四個月, 係FB 一句起兩句止, 糊說一通, 但這半個月, 有點鬱悶, 然後掛住呢到. 其實, 唔係唔開心, 只係唔係開心. 開心兩隻字, 唔應該成日提, 因為真正的開心, 係會不經意出現, 不提也會出現. 剛過去的三個月, 一直說之後見步行步, 船到橋頭自然直. 籍口吧. 大概早已預料到, 三個月後今日o既我, 是怎麼樣. 所以, 一早擔心也是浪費, 是避不了. 哈, 究竟我第一份工, 第二份工, 是怎樣捱過的. 深深明白,零經驗,零體驗,零世面,一張白紙, 是如此矜貴. 不是經歷太多, 但我已經不是一張白紙, 我變得有要求, 我會去追求. 但我自視過高, 我想得太完美, 太理想化. 現實話我知, 我要把底線一降再降. 好想把自己收埋, 自閉一段日子. 但最後, 我又做唔出. 其實今年過得很好, 唔想刻意收埋自己, 浪費日子. 畢竟, 今年所剩的時間不多. 我想有意思的過每一日. 要收埋, 要自閉, 就留待晚上自己一個人時候吧. 鬱悶的心情, 唔需要太多人知, 太多人知, 又怎樣, 他們只是知, 知完就算. 所以, 自己知自己事已經足夠. 再者, 我唔需要別人來打救, 這廿年來, 我都是把自己推到谷底, 然後再把自己拉出來. 早已習慣了. 我不怕自己一個, 不怕孤獨, 只是怕悶 其實, 我比以前變得更獨立, 學習去自己面對, 學習自己走過去 不是勇敢, 只係被推著走. 但倒也是一件好事. 我是自私的人, 我認, 蝕底的事我不會做, 除非我不去計較. 其實, 俾份工我, 我唔會咁鬱悶 我唔想再過D, 有工返等於冇工返的日子. 山羊座的人不是這樣. 倘若, 真係有平衡世界, 咁另一個世界o既我, 而家o既心情, 係咪又同我一樣. 我很想認識你, 認識一個同自己一模一樣的人. 但我地心底裡都知, 我地喜歡獨一無二, 唯一的感覺, 不容許有多一個跟自己相似, 可以取代自己的人. 所以, 我地究竟會喜歡大家, 還是會討厭大家? 哈哈 係呢到打一打, 心情舒暢了. 所以. 我係真心掛住呢到, 呢到俾到一份安全感我. :) 我沒有手寫日記, 因為我的字體實在太樣衰. 我喜歡打字的感覺, 我喜歡這個用心打的XANGA. ;) 好, 繼續JOBSDB吧. |